برکس چیمبر آف کامرس اینڈ انڈسٹری کے تحت کووڈ-19 سے متاثر عہد میں ذہنی تندرستی اور پیداواری صلاحیتوں کے نظم و نسق کے بارے میں ایک ویبنار منعقد کیا، جس کے مقصد سے فکری تبادلہ خیال اور کام کے ماحول کو صحتمند اور متوازن بنانے کے لیے ایک پلیٹ فارم تشکیل دیا جانا تھا۔
ویبنار سے خطاب کرتے ہوئے برکس چیمبر آف کامرس اینڈ انڈسٹری کے سربراہ وشواس ترپاٹھی نے کہا کہ ایسے غیر معمولی وقت میں سبھی صنعتی و تجارتی گھرانوں اور انسانی وسائل کو مسائل کا سامنا کرنا پڑتا ہے اور ایسا سرکاری اور پرائیویٹ دونوں طرح کے اداروں میں ہوتا ہے، کوشش کی جاتی ہے کہ ملازمیں کے حوصلے بلند رہیں۔
انہوں نے کووڈ-19 کے اثرات اور مقابلے کی ذہنی تیاری پر اظہار کیا اور بتایا کہ برکس اور دوست ممالک میں صنعتوں کے مفاد کے لیے کام کرنے کے لیے سوسائٹی کے ممتاز ممبروں نے چیمبر کا قیام 2012 میں کیا تھا۔
ڈائریکٹر جنرل برکس سی سی آئی ڈاکٹر بی بی ایل مدھوکر نے کہا کہ کون کس ملک سے تعلق رکھتا ہے اس سے قطع نظر خواہ وہ جرمنی، ہندوستان یا امریکہ کا ہو اس وقت پریشانی میں ہے اور اسے غیر یقینی صورتحال کا سامنا ہے۔ انہوں نے کہا کہ حالات کا مثبت ذہن سے سامان کرنا ہے تاکہ امید اور مقابلے کی طاقت برقرار رہے۔
انہوں نے بتایا کہ لوگوں کے اندر بیداری آرہی ہے کہ انہیں ذہنی توازن برقرار رکھنا ہوگا اور پیداور کو یقینی بنانے اور کاروبار کے پہیے کو آگے بڑھتے رہنے دینے کے لیے دلیری کے ساتھ اس صورتحال کا سامنا کرنا پڑے گا۔
