انہوں نے حملے کے دوران ہلاک ہوئے پی ایس او کو بھی خراج تحسین پیش کیا۔
واضح رہے کہ گاندربل میں بی جے پی رہنما غلام قادر پر گذشتہ دنوں حملہ کیا گیا تھا۔ حملے کے دوران، ان کے ذاتی سیکیورٹی گارڈ محمد الطاف زخمی ہوئے تھے جنہیں ہسپتال میں داخل کیا گیا تھا لیکن وہ زخموں کی تاب نہ لا کر چل بسے۔
لیفٹینٹ گورنر نے اس حملہ کی پر زور مذمت کی اور کہا کہ یہ ایک بزدلانہ عمل ہے اور اس میں ملوث افراد کو انصاف کے کٹہرے میں عنقریب ہی لایا جائے گا۔
انہوں نے کہا کہ ''میں ہلاک شدہ پی ایس او کے اہل خانہ سے اظہار تعزیت کرتا ہوں''۔ انہوں نے مزید کہا کہ ہلاک شدہ سکیورٹی اہلکار کے اہل خانہ کو ہر ممکن مدد فراہم کرائی جائے گی۔
