نوٹ بندی سے ملک کی معیشت تباہ ہوئی: راہل گاندھی

حزبِ اختلاف کی پارٹیاں بھارت کی جی ڈی پی کے زوال کے حوالے سے مودی حکومت کی معاشی پالیسیز پر سوال اٹھا رہی ہیں۔ تازہ ترین نکتہ چینی کانگریس کے رہنما راہل گاندھی کی جانب سے کی گئی ہے، اس سلسلے میں انہوں نے ایک ویڈیو بھی جاری کیا ہے۔

کانگریس کے سابق صدر راہل گاندھی نے حکمراں جماعت بی جے پر سخت تنقید کی ہے، اس سلسلے میں راہل گاندھی نے ایک ٹویٹ کیا ہے، اپنے ٹویٹ پیغام میں انہوں نے کہا کہ 8 نومبر سنہ 2016 کو مودی حکومت کی جانب سے کی گئی نوٹ بندی نے ملک کی معیشت کو تباہ و برباد کر دیا ہے۔

راہل گاندھی نے ملک میں جاری معاشی بحران کے معاملے پر مرکزی حکومت پر شدید تنقید کی ہے، انہوں نے ایک ٹویٹ میں لکھا 'مودی جی کا' کیش فری 'ہندوستان دراصل' مزدور کسان- چھوٹے کاروبار سے پاک بھارت' ہے جو فیصلہ 8 نومبر 2016 کو لیا گیا تھا۔ اس کا ایک خوفناک نتیجہ 31 اگست 2020 کو سامنے آیا۔

راہل گاندھی کا ٹویٹ

راہل گاندھی نے اپنے ٹویٹ پیغام میں ایک ویڈیو بھی جاری کیا ہے، انہوں نے اس ویڈیو کے ذریعے ملک کو سمجھانے کی کوشش کی ہے کہ کس طرح نوٹ بندی نے ملک کی معیشت کو تباہ کر دیا ہے۔