آندھراپردیش کے ضلع نیلور کے سرکاری ہسپتال میں کورونا وائرس کا ایک کیس درج ہوا ہے۔ بتایا گیا کہ مریض کو علاحدہ وارڈ میں رکھا گیا اور اس کا خصوصی علاج کیا جارہا ہے۔
تروپتی ایس وی آئی ایم ایس نے اس بات کی تصدیق کی کہ ٹیسٹ کرنے پر مریض کی رپورٹ میں کورونا وائرس ،پوسیٹیو،آیا ہے۔ اور اس نمونے کو پونے بھی بھیجا گیا ہے تاکہ اس کی تصدیق ہو۔
بتایا گیا کہ 20 افراد پر مشتمل افراد کا ایک گروپ پرتگال سے نیلور پہنچا ہے، یہ گروپ ایک فیکٹری میں کام کرنے کے لیے یہاں پہنچا۔
ضلع انتظامیہ نے انھیں ہدایت دی کہ بغیر میڈیکل ٹیسٹ کے وہ ہوٹل کے باہر نہ نکلیں،اس کے علاوہ ضلع کلکٹر نے نیلور کے تمام سنیما گھروں کو بند کرنے حکم دیا ہے۔
واضح رہے کہ صحت اور خاندانی بہبود کی مرکزی وزارت کے جوائنٹ سکریٹری پریم اگروال کہا کہ کورونا وائرس ’كووڈ -19‘ سے متاثرہ لوگوں کی تعداد 73 سے زیادہ ہو گئی ہے۔
صحت اور خاندانی بہبود کی مرکزی وزارت کے جوائنٹ سکریٹری پریم اگروال نے بتایا کہ متاثرہ ممالک سے کل 948 لوگوں کو ملک میں واپس لایا گیا ہے، ان میں 900 بھارتی اور 48 غیر ملکی شہری شامل ہیں۔
