وزیراعظم نے کہا کہ 'کووڈ 19 کے خلاف بھارت کی لڑائی عوام کے ذریعے چلائی جا رہی ہے اور عوام کے تعاون کے بغیر یہ لڑائی ممکن نہیں ہے نیز ابھی تک عوام نے حکومت اور پولیس کا بخوبی ساتھ دیا ہے۔
انہوں نے کہا کہ لاک ڈاؤن کے دوران لوگوں کا نظریہ تبدیل ہوا ہے اور نا صرف طبی عملہ بلکہ صفائی ملازمین اور پولیس اہلکاروں کے تئیں بھی عوام کی سوچ میں تبدیلی آئی ہے۔
اس دوران انہوں نے کہا کہ 'جب عالمی رہنما مجھ سے کہتے ہیں، ہندوستان کا شکریہ، ہندوستان کی عوام کا شکریہ، تو مجھے بہت فخر محسوس ہوتا ہے، بھارت اپنے شہریوں کی دیکھ بھال کر رہا ہے اور ملک کو صحت مند بنانے میں اپنا حصہ ڈال رہا ہے۔
وزیراعظم نے کہا کہ ہر مشکل صورتحال، ہر لڑائی، کچھ نا کچھ سبق دیتی ہے اور عزم طاقت کے ساتھ جس طرح سے عوام نے کورونا کے خلاف محاذ سنبھالا ہے اس سے ملک میں نئی تبدیلی کا آغاز ہوا ہے۔
انہوں نے کہا کہ ان مشکل حالات میں ہر شہر اور ہر گلی میں لوگ ایکدوسرے کی مدد کرتت ہوئے نظر آ رہے ہیں اور غریبوں کے لیے راشن بھی تقسیم کیا جا رہا ہے۔
نریندر مودی نے کہا کہ کورونا وائرس کے خلاف لڑائی عوامی لڑائی ہے اور اس میں حکومت بھی عوام کے ساتھ شانہ بہ شانہ کھڑی ہوئی ہے۔
