ملک کے معروف صنعت کار سنجے ڈالمیا نے معیشت میں جاری سست روی کا حوالہ دیتے ہوئے کہا ہے کہ عالمی سطح پر جاری سرد مہری کی وجہ سے بھارتی معیشت کی سرگرمی ماند پڑگئی ہے۔
انہوں نے کہا کہ ملک کے ہر شعبے میں ڈیمانڈ بڑھانے پر اپنی توجہ مرکوز کرنی ہوگی اور گاؤں کی ترقی کے بغیر معیشت کو بہتر کرنا مشکل ہوگا۔
ڈالمیا نے کہا ہے کہ ان دنوں بھارتی معیشت میں سستی روی کے ہر جگہ چرچے ہیں۔
ان کا کہنا ہے کہ وزیر خزانہ نرملا سیتارمن معیشت کی رفتار کو تیز کرنے کے لیے صنعت کاروں سے رائے ومشورہ طلب کررہی ہیں۔
ڈالمیا کا کہنا ہے کہ معیشت کو بہتر کرنے کے لیے صحیح اقدامات کرنے ہوں گے۔
انہوں نے کہا کہ کسی بھی ملک کی معیشت تب تیزی سے بڑھتی ہے جب وہاں ڈیمانڈ میں اضافہ ہوتا ہے۔ طلب میں اضافہ ہونے سے پیداوار میں اضافہ ہوتا ہے۔ اس سے کمپنیوں کی آمدنی میں اضافہ ہوتا ہے اور روزگار کے نئے مواقع پیدا ہوتے ہیں۔
