دہلی اقلیتی کمیشن کی جانب سے جی ٹی بی ہسپتال کے سپرنٹیڈنٹ کے نام ایک نوٹس جاری کیا گیا ہے، جس میں کہا گیا ہے کہ ان تیش لاشوں کا جلد از جلدپوسٹ مارٹم کیا جائے۔
یہ نوٹس دہلی اقلیتی کمیشن کے چیئرمین ڈاکٹر ظفرالاسلام خان کی جانب سے جاری کیا گیا ہے۔
گزشتہ دو روز سے شمال مشرقی دہلی کے موجپور، کراول نگر، سیلم پور، بابر پور، گونڈا، مصطفیٰ آباد، گوکل پوری، جعفرآباد اور اشوک نگر وغیرہ علاقوں میں مسلسل تشدد کی خبریں سامنے آرہی ہیں۔اب تک 27 افراد کے ہلاک اور 200 سے زائد کے زخمی ہونے کی تصدیق کی جا چکی ہے جس میں 70 سے زائد بندوق کی گولی سے زخمی ہوئے ہیں۔
دہلی اقلیتی کمیشن نے ہسپتال کے عملہ کو 24 گھنٹے کے اندر اس سلسلے میں جواب طلب کیا ہے۔
