بھارتی ریاست ہریانہ میں کورونا وائرس کے پیش نظر احتیاطی اقدام کے طور پر امتناعی احکامات (دفعہ 144) نافذ کر دیا گیا ہے تا کہ لوگ گھروں کے اندر رہیں اور باہر میں لوگوں کا مجمع نہ لگنے پائے۔
بھارت میں کورونا وائرس کے مصدقہ معاملے کی تعداد 256 ہو گئی ہے، وہیں اٹلی میں 24 گھنٹے میں 627 اموات درج کی گئی ہیں۔
امریکہ میں اس وبا کی زد میں اب تک 263 افراد آچکے ہیں، فرانس میں 450، اسپین میں ایک ہزار 93 کیسز، ایران میں 3 ہزار 255 مصدقہ معاملے، اٹلی میں چار ہزار 32 افراد اس کی زد میں جبکہ چین میں 3 ہزار 255 افراد، پاکستان میں 495 افراد اس کی زد میں آچکے ہیں۔
واضح رہے کہ دنیا بھر میں کورونا وائرس سے تقریباً 11 ہزار 402 افراد ہلاک ہو چکے ہیں۔ 91 ہزار 352 افراد صحتیاب ہو چکے ہیں اور تقریباً دو لاکھ 76 ہزار 113 افراد اس کی زد میں آچکے ہیں اور دنیا بھر کے تقریبا 160 ممالک میں وائرس پھیل چکا ہے۔
