پٹنہ ایمس میں کورونا کے مریض نے خود کشی کی

کورونا انفیکشن کی وجہ سے مریضوں میں خوف کی فضا اس قدر بڑھ گئی ہے کہ لوگ خودکشی کر رہے ہیں، تازہ ترین معاملہ پٹنہ ایمس کا ہے، جہاں ایک 21 برس کے ایک کورونا کے مریض نے خودکشی کر لی ہے۔

بہار کے دارالحکومت پٹنہ میں قائم ایمس میں ایک کورونا کے مریجض نے عمارت سے کود کر خود کشی کر لی، بتایا جا رہا ہے ایمس انتظامیہ کو اس کی لاش ہسپتال کے تہ خانہ سے برآمد ہوئی۔

معلومات کے مطابق جس مریض نے ایمس کی عمارت سے چھلانگ لگا کر خود کشی کر لی وہ وہ دراصل کورونا کا علاج کرا رہا تھا، 20 جولائی کو اسے ایمس میں داخل کرایا گیا تھا، بتایا جاتا ہے کہ وہ بیماری کے سبب بہت پریشان تھا۔

اس واقعے کی اطلاع ملتے ہی پھلواری شریف پولیس اسٹیشن کی پولیس ایمس پہنچی اور لاش کو اپنے قبضے میں لے کر تفتیش شروع کردی، اس کی تصدیق کرتے ہوئے پھلواری شریف تھانہ انچارج رفیق الرحمن نے بتایا کہ ایک مریض اسپتال سے کود کر خود کشی کرلی جو بہٹا کے محمد پور کا رہائشی ہے۔