وزارت برائے صحت کی جانب سے ہفتہ کے روز جاری اعداد و شمار کے مطابق گذشتہ 24 گھنٹوں کے دوران کورونا کے 14،256 نئے کیسز کی تصدیق کی گئی ہے، جس سے متاثرہ افراد کی تعداد ایک کروڑ چھ لاکھ 39 ہزار ہوگئی ہے۔
اس دوران 17،130 کے صحتیاب ہونے سے صحتیاب ہونے والوں کی تعداد ایک کروڑ تین لاکھ 838 ہوگئی ہے، جبکہ ایکٹیو کیسز 3026 کم ہو کر 1،85،662 رہ گئے ہیں، وہیں 152 مریضوں کی موت ہونے سے اس وبا سے ہلاک ہونے والوں کی تعداد ایک لاکھ 53 ہزار 184 ہوگئی ہے۔
ملک میں شفایابی کی شرح 96.82 فیصد ہوگئی ہے اور ایکٹیو کیسز کی شرح 1.74 فیصد رہ گئی ہے جبکہ شرح اموات اب بھی 1.44 فیصد ہے۔
کیرالہ میں گذشتہ 24 گھنٹوں کے دوران 626 ایکٹیو کیسز بڑھے ہیں، تاہم سب سے زائد 6108 مریض صحتیاب بھی ہوئے ہیں، ریاست میں اب ایکٹیو کیسز کی تعداد بڑھ کر 70،626 ہوگئی ہے اور کورونا کو شکست دینے والوں کی تعداد 8.03 لاکھ ہوگئی ہے جبکہ مزید 19 مریضوں کی موت ہونے سے مرنے والوں کی تعداد 3564 ہوگئی ہے، ایکٹیو کیسز میں کیرالہ پہلے نمبر پر ہے۔
(یو این آئی)
