کانگریس کے چیف ترجمان رندیپ سرجے والا نے سابق وزیر خزانہ پی چدمبرم کی ضمانت کی عرضی خارج کرنے والے دہلی ہائی کورٹ جسٹس سنیل گور کو پی ایم ایل اے اپیلیٹ ٹریبونل کے چیئرمین کی نامزدگی کو سیاسی انعام مانتے ہوئے ان کی ضمیر پر سوال کھڑا کر دیا۔
رندیپ سرجے والا نے کہا کہ آج انصاف بھروسہ کرنے والے ہر شخص اور آئین کے اقدار کو تسلیم کرنے والے ہر شہری کے دل میں افسوس کا احساس ہے، اب ان کی غیر جانبداری کا معیار کیا ہوگا، عدالت کے وہ محافظ جو حکومت کے خلاف جاکر عوام کے حقوق کا تحفظ کرتے ہیں وہ سمت کھو چکے ہیں۔ میں یہ سوال ان کی ضمیر پر چھوڑتا ہوں۔
ہائی کورٹ کے سابق جج جسٹس سنیل گور جنھوں نے چدمبرم کی ضمانت کی عرضی خارج کی تھی، کو پی ایم ایل اے اپیلیٹ ٹریبونل کا چیئرمین منتخب کیا گیا ہے۔
جسٹس سنیل گور 23 اگست کو ہائی کورٹ کے جج کی حیثیت سے ریٹائرڈ ہوئے۔ سبکدوشی کے قبل ہی جسٹس سنیل گور نے کانگریس کے سینیئر رہنما اور سابق مرکزی وزیر پی چدمبرم کی ضمانت کی عرضی خارج کی تھی۔
