کمپٹرولر اینڈ آڈیٹر جنرل سی اے جی نے ریل کرائے کے تعلق سے افسران کو ملنے والے اسپیشل پاس کے غلط استعمال کی وجہ سے کروڑوں روپیے کے نقصان کے لیے ریلوے پر ناراضگی کا اظہار کیا۔
سی اے جی نے ریلوے سے کہا ہے کہ وہ رعایتوں کو قابو میں کرنے کے عمل کو مؤثر بنائے۔
پارلیمنٹ کے دونوں ایوانوں میں گذشتہ روز پیش کی گئی سی اے جی کی رپورٹ میں کہا گیا کہ سنہ 2015۔16، 2017۔18 میں ریلوے کے کل مسافروں میں سے 11.45 فیصد نے کئی طرح کی رعایتوں کا استعمال کیا جس میں ریلوے کو کرایے سے ہونے والی آمدنی 8.42 فیصد کی کمی درج کی گئی ہے۔
مزید پڑھیں: 'مورالیس کو پناہ دینے سے امریکہ سے تعلقات خراب نہیں ہوں گے'
رپورٹ کے مطابق ان تین برسوں کے دوران تقریباً 21.75 کروڑ مسافروں نے تقریباً 7418.44 کروڑ روپیے کی رعایت حاصل کی ہے۔
