وائی فائی کی سہولت کو عوام تک پہنجانے کے لیے امریکی ملٹی نیشنل نیٹ ورکنگ ہارڈ ویر کمپنی سیسکو(Cisco) نے کوچی میں اعلان کیا کہ اگلے دو ماہ کے اندر بنگلورو کے 200 مختلف مقامات میں تیز رفتار وائی فائی فراہم کیا جائے گا۔ اس کے بعد ملک کے مختلف حصوں میں بھی اس طرح کی سہولت فراہم کی جائے گی۔
ٹیلی کام ریگولیریٹی اٹھارٹی آف انڈیا (ٹی آر اے آئی) کی جاری کردہ ایک رپورٹ کے مطابق ' عالمی سطح پر ہر 150 افراد کے لئے صرف ایک وائی فائی ہاٹ اسپاٹ موجود ہے۔ بھارت میں اسی تناسب کو حاصل کرنے کے لئے آٹھ لاکھ اضافی وائی فائی ہاٹ اسپاٹ لگائے جائیں گے۔'
اس سے انفراسٹرکچر اور انٹرنیٹ خدمات فراہم کرنے والوں کے لئے مارکیٹ کے نئے مواقع پیدا ہوں گے۔
مزید پڑھیں : فارما کمپنیوں کی کوشش قابل ستائش:ڈاکٹرمونیکا
سیسکو کے صدر سمیر گردے کے مطابق 'سست سے تیز رفتار انٹرنیٹ تک رسائی سے صارفین کی مصروفیت میں اضافہ ہوگا اور معاشی میدان میں لاکھوں انٹرنیٹ صارفین کو فائدہ پہنچے گا۔'
گوگل کے مینیجر ڈائریکٹر سجیت شیوانندن نے کہا کہ 'اس سہولت کے ذریعہ ڈیجیٹائزیشن اور ڈیجیٹل شہری خدمات کی کامیابی کو تیز رفتار انٹرنیٹ کے پھیلاؤ سے جوڑ دیا گیا ہے۔'
مزید پڑھیں : آئی ایم ایف نے بھارت کے ترقیاتی اندازے میں تخفیف کی
