سیکولرازم اور فیڈرل ازم جیسے موضوعات کو ہٹائے جانے کے پیدا ہونے والے تنازعات کے درمیان بورڈ نے بدھ کو وضاحت پیش کرتے ہوئے کہا ہے کہ جن موضوعات کو کم کیا گیا ہے، نصاب کے ابھی بھی وہ حصہ ہیں۔
سی بی ایس ای نے بدھ کی شام جاری پریس ریلیز میں کہا ہے کہ بورڈ کو اخباروں میں شائع کچھ رپورٹوں سے معلوم ہوا ہے کہ نویں اور بارہویں کلاس سے متعلق نصاب میں تخفیف کیے جانے کے بارے میں غلط افواہیں پھیلائی گئیں ہیں۔
پریس ریلیز میں بورڈ نے واضح کیا ہے کہ اس نے نویں سے بارہویں کلاس کے 2020- 21کے تعلیمی سیشن میں تقریبا 190 موضوعات کے نصاب میں تیس فیصد کی کمی کی ہے، بورڈ نے وضاحت دیتے ہوئے کہا ہے کہ ان موضوعات کو کم کرنے کا مقصد کورونا سے پیدا ہونے والے تناؤ سے دوچار طالب علموں کے تناؤ کو کم کرنا ہے۔
بورڈ نے یہ بھی بتایا ہے کہ 2020- 21 کے امتحان میں کوئی بھی سوال کم کیے گئے نصاب سے نہیں پوچھے جائیں گے، بورڈ نے سبھی اسکولوں کو این سی ای آر ٹی کے ذریعہ تیار متبادل اکیڈمک کیلنڈر کی پیروی کرنے کا حکم دیا ہے۔ اس لیے میڈیا میں مذکورہ بالا موضوعات کوہٹائے جانے کے بارے میں جوخبر شائع ہوئی ہیں، ان موضوعات کو این سی ای آر ٹی کے متبادل اکیڈمک کیلنڈر میں شامل کیا گیا ہے اور وہ سی بی ایس ای سے جڑے اسکولوں میں نافذ ہے۔
پریس ریلیز میں اس بات کا پھر سے اعادہ کیا گیا ہے کہ جن موضوعات کے نصاب کو نکالنے کی باتیں کہی جارہی ہیں وہ کم کیے گئے نصاب میں اور این سی آر ٹی کے متبادل نصاب کیلنڈر میں شامل ہے۔
