دو ماہ قبل کوارنٹائن سینٹر بننے والی رچرڈسن اینڈ کروڈاس کمپنی کے احاطے کو اب کووڈ 19 اسپیشل ہسپتال میں تبدیل کر دیا گیا ہے، یہ ایک انجینیئرنگ کمپنی ہے۔
بی ایم سی نے اس خصوصی کووڈ 19 ہسپتال میں ایک ہزار بید بنائے ہیں ان میں سے 300 بیڈ آئی سی یو کے ہوں گے جس میں آکسیجن سپلائی اور دیگر سہولیات بھی ہوں گی،
بی ایم سی کی جانب سے بتایا گیا کہ یہ خصوصی ہسپتال رواں ماہ جون کے آکر تک شروع ہو جائے گا۔
اس کمپنی کے احاطے کو اپریل کے مہینے میں کوارنٹائن سینٹر میں تبدیل کیا گیا تھا کیوں کی ممبئی جیسے گنجان آبادی والے شہر میں جگہوں کی قلت ہے اور کورونا وائرس کے دوران لوگوں کو کوارنٹائن سینٹر میں رکھنے کے لیے بی ایم سی نے ہر اس جگہ کو سینٹر بنانے کی کوشش کر رہی ہے۔
واضح رہے کہ اس اسپیشل ہسپتال کے شروع ہونے سے انتطامیہ کو کافی حد تک آسانی ہوجائے گی کیوں کہ ممبئی میں کورونا متاثرین کی تعداد ہر بڑھتی جا رہی ہے ایسے میں اس ہسپتال کے شروع ہونے سے کافی فائدہ ہوگا۔
ملک میں سب سے زیادہ کورونا وائرس کے متاثرین مہاراشٹر میں ہیں جہاں ایک لاکھ سے زائد افراد اس بیماری کی زد میں ہیں جبکہ تین ہزار سے زائد اموات ہوچکی ہیں۔
