بہار میں بھیانک سڑک حادثہ، پانچ ہلاک

ریاست بہار کے بختیار پور تھانہ علاقے کے رانی سرائے گاؤں کے قریب دل دہلا دینے والے حادثے میں پانچ افراد کی دردناک موت ہوگئی جبکہ متعدد افراد زخمی ہوئے ہیں۔

دو ٹرک کی ٹکر کے دوران ایک ٹیمپو اور اور ایک موٹر سائیکل بھی زد میں آگئے، اس حادثے میں ٹیمپو اور موٹر سائیکل سوار چار افراد موقع واردات پر ہی ہلاک ہوگئے، جب کہ ایک فرد کی دوران علاج موت ہوگئی، 10 افراد شدید طور پر زخمی ہوئے ہیں۔

زخمیوں کا علاج پٹنہ کے ہسپتال میں کیا جارہا ہے۔

اطلاعات کے مطابق اس حادثے کا شکار ہوئے افراد این ٹی پی سی پاور پروجیکٹ کے ملازمین ہیں۔وہ لوگ سرناتھ ایکسپریس سے بختیار پور اسٹیشن سے اترنے کے بعد این ٹی پی سی جارہے تھے، اسی دوران ان کا ٹیمپو حادثے کا شکار ہوگیا۔