بھیونڈی:بھنگار گودام میں شدید آتشزدگی

ریاست مہاراشٹر کے دارالحکومت ممبئی سے متصل پاورلوم صنعتی شہر بھیونڈی میں 11 بجے شب رہائشی علاقے میں واقع ایک بھنگار کے گودام میں اچانک ہونے والی آتشزدگی سے پورے علاقے میں زبردست افرا تفری کا ماحول پیدا ہوگیا۔

اس حادثہ کی اطلاع موصول ہوتے ہی فائر بریگیڈ کی تین گاڑیاں عملہ کے ساتھ جائے حادثہ پر پہنچ کر آگ پر قابو پانے کی کوشش میں مصروف ہیں۔

موصولہ اطلاعات کے مطابق شہر کے کھوکھا کمپاؤنڈ علاقے میں رات تقریباً 11 بجے ایک بھنگار کے گودام میں آتشزدگی کا حادثہ پیش آیا۔

گودام میں گرے کلاتھ کے ٹکڑے اور کاغذ کے باکس اور پلاسٹک جسیے آتشی مادہ ہونے کے سبب فوراً آگ نے پورے گودام کو اپنی زد میں لے لیا اور آگ کے شعلوں کی لپٹیں اور دھوئیں کا غبار فضا میں پھیل گیا۔

خبر لکھے جانے تک اس آگ پر قابو نہیں پایا جاسکا ہے۔