سپریم کورٹ نے ایرکسن کی جانب سے دائر توہین عدالت کے معاملہ میں ریلائنس کام کے صدر انل امبانی اور دیگر ڈائرکٹرز کو آج قصوروار قرار دیا ہے۔
جسٹس آر ایس نریمن اور جسٹس ونیت شرن کی بنچ نے ایرکسن کو ادائیگی کرنے کے احکامات پر عمل نہ کرنے کا قصوروار پایا۔
کورٹ نے آركام، ریلائنس ٹیلی کام اور ریلائنس انفرا ٹیل کو بھی عدالت کی توہین کا مجرم پایا اور تینوں پر ایک ایک کروڑ روپے کا جرمانہ بھی عائد کیا۔
قابل غور ہے کہ امبانی نے ایرکسن کو 550 کروڑ روپے کی ادائیگی کے لیے کورٹ کے سامنے انڈر ٹیکنگ دی تھی لیکن انہوں نے اس کی ادائیگی نہیں کی۔ آركام کو دو موقع (30 ستمبر 2018 اور 15 دسمبر 2018) دیئے گئے لیکن اس کی طرف سے ادائیگی نہ کیے جانے کے بعدایرکسن نے عدالت کی توہین کا معاملہ درج کرایا۔
