ملک بھر میں جاری لاک ڈاؤن کے درمیان کشمیر میں پھنسے پنجابیوں کے اہل خانہ پریشان ہو گئے ہیں۔ بتایا جاتا ہے کہ 200 سے زیادہ پنجابی کشمیر میں پھنس گئے ہیں۔ ان میں سے 35 افراد امرتسر سے ہیں۔
یہ لوگ کشمیر میں لکڑی کا کام کرنے گئے تھے۔ اب ان کے اہل خانہ نے حکومت سے گزارش کی ہے کہ ان کو واپس بلا لے۔
قابل ذکر ہے کہ کورونا وائرس کے پیش نظر ملک بھر میں لاک ڈاؤن جاری ہے۔ گاڑیوں کی آمد و رفت بند ہے۔ ایسے میں کئی لوگ جہاں کام کرنے گئے وہیں پھنس گئے۔ اس طرح پنجاب سے کام کرنے گئے لوگ کشمیر میں پھنس گئے ہیں۔
خیال رہے کہ دنیا بھر میں کورونا وائرس سے اب تک 28 لاکھ سے زائد افراد متاثر ہیں۔ کورونا وائرس سے دنیا بھر میں تقریبا دو لاکھ سے زائد افراد ہلاک ہو چکے ہیں۔ دنیا بھر میں کورونا وائرس سے متاثر افراد میں سے آٹھ لاکھ سے زائد افراد ٹھیک ہو چکے ہیں۔
بھارت میں کورونا وائرس سے 26 ہزار سے زائد افراد متاثر ہیں، جبکہ بھارت میں کورونا وائرس سے ہلاک ہونے والوں کی تعداد 824 ہو چکی ہے۔ کورونا وائرس سے متاثر افراد میں سے تقریبا 5804 افراد ٹھیک ہو چکے ہیں۔
