امریکی صدر ڈونالڈ ٹرمپ کے قومی سلامتی مشیر جون بولٹن نے ایک ٹویٹ پیغام میں کہا کہ چین کی جانب سے حال ہی میں جنوبی چین کے سمندر میں دوسروں کو دھماکنے کے لیے کیے جانے والے اقدامات پریشان کن ہیں۔
انہوں نے مزید کہا کہ امریکہ ان لوگوں کے ساتھ ہے جو چین کی غنڈہ گردی کی مذمت کرتے ہیں۔ چین کے اس اقدام سے علاقائی امن اور سیکوریٹی کو خدشات لاحق ہوسکتے ہیں۔
بیجنگ نے جنوبی چین کے 90 فیصد سمندری علاقے پر اپنا تسلط جمالیا ہے خصوصاً فلپائن کے قریبی ساحلوں پر اور ہیگ ٹریبونل کی جانب سے 2016 میں دیئے گئے فیصلوں کو بھی نظر انداز کردیا ہے جس میں فلپائن کی تائید کی گئی تھی۔
ویتنام ، انڈو نیشیا ، ملیشیا تائیوان اور برونائی جیسے ممالک بھی جنوبی چین کے سمندر پر اپنا حق رکھتے ہیں اور وہاں کے وسائل اور آزادی سمندری رابطوں کے حامی ہیں۔ جان بولٹن کا بیان ایسے وقت میں سامنے آیا ہے جب امریکی حکومت نے چین پر ایک ماہ پہلے بھی اس قسم کے الزامات عائد کیے تھے۔
