جموں اور ادھمپور ضلع کے ترقیاتی کمشنر سشما چوہان نے ریاست جموں و کشمیر میں پیدا شدہ صورتحال کو لے کر دونوں اضلاع کے تمام سرکاری و خانگی تعلیمی اداروں کو احتیاطی طور پر بند رکھنے کا حکم جاری کیا ہے۔
اس دوران جموں و کشمیر کے ضلع اننت ناگ کے ضلع مجسٹریٹ کی جانب سے ایک حکمنامہ جاری کیا گیا ہے۔ جس میں کہا گیا ہے کہ موجودہ حالات کے پیش نظر تمام ضلع کے افسران کو ہدایت دی گئی ہے کہ وہ ضلع مجسٹریٹ کی اجازت کے بغیر اپنے ہیڈ کوارٹرز نہ چھوڑیں۔ تاکہ موجودہ حالات کے دوران سرکاری دفاتر کا کام متاثر نہ ہو۔
سب ڈویثرنل افسران کو بھی ہدایت دی گئی ہے کہ وہ اپنے ہیڈ کوارٹرز میں موجود رہیں ۔متعلقہ سب ڈویثرنل مجسٹریٹوں سے کہا گیا ہے کہ وہ سب ڈویثرنل افسران کی حاضری نوٹ کریں ۔حکمنامہ کی خلاف ورزی کرنے والوں کے خلاف سخت کارروائی کی جائے گی۔
