یہ گائے ہالسٹین فریشین کراس نسل کی گائے ہے جو ایک دن میں76 لیٹر61 گرام دودھ دیتی ہے۔
یہ ملک میں ایک نیا ریکارڈ بنانے والی گائے ثابت ہوئی ہے۔
نیشنل ڈیری ریسرچ انسٹی ٹیوٹ ( کرنال) کی جانب سے بلدیو سنگھ ڈیری کے مالک بلدیو سنگھ کو سند دے کر ان کی عزت افزائی کی ہے۔
بلدیو سنگھ ڈیری ضلع کرنال کے غالب کھیڑی گاؤں میں واقع ہے، جہاں سے ریاست کے مختلف حصوں میں دودھ سپلائی کی جاتی ہے۔
بلدیو اور ان کے بھائی امن دیپ گذشتہ دس برسوں سے ڈیری چلا رہے ہیں۔ انھوں نے نیشنل ڈیری ریسرچ انسٹی ٹیوٹ سے 2010 اور 2011 کے دوران مویشویوں کو پالنے کی ٹریننگ لی تھی۔
خیال رہے کہ اس سے قبل ہالسٹین فریشین نسل کی ایک گائے نے 2014 میں 42 لیٹر دودھ دینے کا ریکارڈ بنایا تھا۔
اس کے بعد پنجاب میں 2015 میں منعقد اگریکلچر ایکسپو میں ہالسٹین فریشین نے 64 لیٹر 20 گرام کا ریکارڈ بنایا تھا۔
اس کے بعد رواں برس اسی نسل کی گائے نے 76 لیٹر61 گرام کا ریکارڈ بنایا۔
