ریاست کرناٹک کے ضلع بیلگاوی میں وزیر داخل امیت شاہ کی آج ریلی ہونی ہے، لیکن ریلی سے قبل ہی بیلگاوی کے کسانوں نے امیت شاہ کی ضلع آمد کے خلاف احتجاج کیا اور تینوں نئے زرعی قوانین کو واپس لینے کی مانگ کی۔
بہت سے کسانوں نے خودکشی کی ہے اور اب بھی دہلی میں تینوں نئے زرعی قوانین کے خلاف احتجاج جاری ہے، لیکن حکومت کو کسانوں کی موجودہ صورتحال سے کوئی واسطہ نہیں ہے، اور نہ ہی وہ ان قوانین کو واپس لینے کے لیے تیار ہے۔
اس دوران احتجاجیوں نے کہا کہ وزیر داخلہ امیت شاہ کو اس وقت تک ضلع داخل نہیں ہونے دیا جائے گا جب تک حکومت ان تینو زرعی قوانین کو واپس نہیں لے لیتی ہے۔ان تینوں متنازعہ قوانین کو واپس لیا جائے گا۔
انہوں نے بھی کہا کہ کسانوں کی ہلاکتوں پر بی جے پی حکومت کے رہنماؤں نے کوئی رد عمل ظاہر نہیں کیا ہے، ان کا کہنا تاھ کہ کسان ایکٹ کو واپس لیا جائے، اس دوران مظاہرین نے امت شاہ ہٹاؤدیش بچاؤ 'جیسے نعرے لگاتے ہوئے اپنے غم و غصے کا اظہار کیا۔
