سٹیزن ویلفیئر فورم سوناواری کے صدر سید سجاد حسین نے میڈیا سے گفتگو کرتے ہوئے بتایا کہ انہوں نے سب ضلع سمبل کے مختلف افسران کے ساتھ بات کی اور سمبل میں لوگوں کو درپیش مسائل کے حوالے سے انہیں آگاہ کیا۔
سید سجاد حسین نے مزید بتایا کہ چونکہ محرم الحرام کا مہینہ آنے کو قریب 45 دن باقی ہے تو اس سلسلے میں انہوں نے انتظامیہ سے مطالبہ کیا ہے کہ وہ امام بارگاہوں کی جانب جانے والے راستوں پر میگڈم بچھائے تاکہ محرم الحرام کے دنوں کے دوران عقیدت مندوں کو آنے جانے میں دشواریوں کا سامنا نہ کرنا پڑے
انہوں نے کہا کہ وہ ضلع انتظامیہ کے مشکور ہیں کہ انہوں نے سوناواری کے مختلف علاقوں میں سڑکوں کی تعمیر کے حوالے اقدامات اٹھائے ہیں تاہم انہوں نے کہا کہ کچھ سڑکیں ایسی ہیں جو رہ گئیں۔ اس سلسلے میں انہوں محکمہ آر اینڈ بی کو آگاہ کیا ہے - انہوں نے کہا کہ وہ پر امید ہیں کہ محرم الحرام سے قبل ہی ان سڑکوں پر میگڈم بچھانے کا عمل شروع کیا جائے گا۔
