مغربی بنگال کی وزیراعلیٰ ممتا بنرجی نے اس مرتبہ 60 سال یا پھر اس سے زائد کی عمر والی خواتین و ضعیفہ کو لکمشی بھنڈار اسکیم کے تحت ہر ماہ پانچ سو روپے دینے کا اعلان کیا ہے۔
اس سے قبل ریاستی حکومت کی جانب سے 25 سال کی عمر سے لے کر 50 سال کی عمر تک کی خواتین کو لکمشی بھنڈار اسکیم کے تحت ہر ماہ پانچ روپے دینے کا اعلان کیا گیا تھا۔ لیکن وزیراعلیٰ ممتا بنرجی نے اپنے ہی فیصلے میں ترمیم کرتے ہوئے 60 سال کی خواتین کو بھی اس زمرے میں شامل کرنے کا فیصلہ کیا ہے۔
ریاستی حکومت نے اس کے لئے (لکشمی بھنڈار اسکیم) کے 1،072 کروڑ روپے کا بجٹ مختص کیا ہے۔ اس کا مقصد 60 سال یا اس سے زائد کی عمر والی خواتین و ضعیفہ کو بھی اس اسکیم سے فائدے حاصل ہو سکے۔
ریاستی حکومت کی جانب سے اعلان کردہ اسکیم کے تحت ہر ماہ شادی شدہ خواتین کے اکاؤنٹ میں 500-500 روپے کا معاوضہ دیا جاتا ہے تاکہ انہیں کسی بھی قسم کی کوئی پریشانی نہ ہو۔
مزید پڑھیں:۔ توپسیا، مغربی بنگال: خواتین نے لکشمی بھنڈار اسکیم کی تعریف کی
واضح رہے کہ ممتابنرجی کے تیسری مرتبہ اقتدار میں آنے کے بعد متعدد ترقیاتی منصوبوں کا اعلان کیا ہے۔ ان منصوبوں پر سختی سے عمل درآمد بھی کیا جاتا ہے۔
مغربی بنگال حکومت کے زیادہ تر ترقیاتی منصوبے بالخصوص خواتین اور طالبات کے لئے ہیں۔
