شمالی 24 پرگنہ کے گیارولیا میونسپلٹی کے ایڈمنسٹریٹیو میں ردوبدل

وزیراعلیٰ ممتا بنرجی نے ایک پارٹی اور ایک عہدہ کے تحت تنظیمی ڈھانچے میں تبدیلی کرنے کا اعلان کیا ہے۔ ریاست کے مختلف اضلاع میں ترنمول کانگریس کے کئی رہنماؤں کو ان کے عہدے سے ہٹاکر نئے چہروں کو ذمہ داریاں سونپی گئی ہیں.

مغربی بنگال کی حکمراں جماعت ترنمول کانگریس کی سربراہ اور وزیراعلیٰ ممتا بنرجی نے پارٹی میں بڑے پیمانے پر تبدیلی کا فیصلہ کیا ہے. وزیراعلیٰ ممتا بنرجی نے ایک پارٹی اور ایک عہدہ کے تحت تنظیمی ڈھانچے میں تبدیلی کرنے کا اعلان کیا. ریاست کے مختلف اضلاع میں ترنمول کانگریس کے کئی رہنماؤں کو ان کے عہدے سے ہٹاکر نئے چہروں کو ذمہ داریاں سونپی گئی ہے.

اسی درمیان شمالی 24 پرگنہ کے بیرکپور پارلیمانی حلقے میں واقع گیارولیا میونسپلٹی کے ایڈمنسٹریٹیو بورڈ میں بڑے پیمانے پر ردوبدل کیا گیا ہے. چیئرمین سنجے سنگ کی جگہ رابن داس کو گیارولیا میونسپلٹی کے ایڈمنسٹریٹیو بورڈ کا نیا سربراہ مقرر کیا گیا ہے.ای ٹی وی بھارت سے خصوصی گفتگو کرتے ہوئے گیارولیا میونسپلٹی بورڈ کے نئے سربراہ رابن داس کا کہنا ہے کہ ممتا بنرجی کی جانب سے انہیں جو عہدے اور ذمہ داری سونپی گئی ہے اسے پوری ایمانداری کے ساتھ نبھانے کی کوشش کریں گے. انہوں نے کہا کہ ان کے لئے پارٹی سب سے پہلے اور اہم ہے. ترنمول کانگریس کی سربراہ ممتا بنرجی اور جنرل سکریٹری ابھیشک بنرجی کی جانب سے پارٹی کو قومی سطح پر لے جانے کی ہر ممکن کوشش میں ہم ان کی مدد کررہے ہیں.

انہوں نے کہا کہ ایڈمنسٹریٹیو بورڈ کے سربراہ بننے کے بعد گیارولیا میونسپلٹی کے ماتحت آنے والے تمام وارڈز میں ترقیاتی کاموں کو انجام دینے کا چیلنج ہے۔ لیکن ہم اس چیلنج سے نمٹنے کے لئے پوری طرح سے تیار ہیں.

ایڈمنسٹریٹیو بورڈ کے سربراہ کا کہنا ہے کہ گیارولیا میونسپلٹی کے غیر مستقل ملازمین کو مستقل ملازمت دلانے کی کوشش کی جائے گی. اس کے لئے مغربی بنگال حکومت سے بات چیت کی جائے گی.