جموں و کشمیر کے ضلع پلوامہ میں آج بلدیہ کی جانب سے میونسپل کونسل صدر عہدے کے لیے انتخاب کرایا گیا، جس میں نیشنل کانفرنس کی امیدوار شبنم نذیر کو صدر اور شبیر احمد کو نائب صدر منتخب کیا گیا ہے۔
نیشنل کانفرنس کے امیدوار کو صدر اور نائب صدر منتخب کیے جانے کے بعد پارٹی دفتر پر ایک تقریب کا انعقاد کیا گیا، جس میں نو منتخب صدر اور نائب صدر کی گلپوشی کرکے مبارک بادی دی گئی۔ اس موقع پر شبنم نذیر نے ضلع انتظامیہ کا پرامن طریقے سے انتخابات کروانے پر شکریہ ادا کیا۔
واضح رہے کہ قصبہ پلوامہ کے بلدیاتی حدود میں کل 13 وارڈ آتے ہیں، جس میں ایک وارڈ سے پہلے ہی ایک امیدوار بلامقابلہ کامیاب ہوگیا تھا، جبکہ 12 وارڈوں پر ہی انتخابات ہوئے تھے،
جس کے لیے 31 امیدوار میدان میں تھے، محتلف سیاسی پارٹیوں کے علاوہ آزاد امیدوار بھی تھے، ان 12 وارڈوں میں سے 4 وارڈوں کو خواتین کے لیے مخصوص رکھا گیا تھا۔
