سیوک ایکشن پروگرام کے تحت سی آر پی ایف 130 بٹالین کی جانب سے نورپورہ ترال میں ایک مفت میگا میڈیکل کیمپ کا انعقاد کیا گیا۔ اس موقع پر سینکڑوں مریضوں جن کا مفت میں علاج معالجہ کیا گیا اور ان میں مفت ادویات تقسیم کی گئی۔ میڈیکل کیمپ میں مقامی لوگوں نے بڑے پیمانے پر شرکت کی اور سی آر پی ایف کی جانب سے اس قدم کی سراہنا کی گئی۔ Free Medical Camp in Awantipora
ایک بزرگ خاتون نے بتایا کہ اس طرح کے اقدامات سے غریب عوام کو بہت فائدہ مل رہا ہے، کیونکہ وہ بازار سے ادویات خرید نے سے قاصر ہوتے ہیں۔ اس لیے اس قسم کے کیمپ مستقبل میں بھی جاری رکھنے کی ضرورت ہے۔ میڈیاسے بات کرتے ہوئے سی آر پی ایف 130 بٹالین کے کمانڈنگ ہلال فیروز نے بتایا کہ سی آر پی ایف نے اپنے امن کے پیغام کو عام کرنے اور لوگوں کو جو راحت پہنچانے کے لیے اس قسم کے میگا میڈیکل کیمپ کا انعقاد کیا گیا جو کہ ایک خوش آئند بات ہے۔ انہوں نے مزید بتایا کہ سی آر پی ایف کی جانب سے ایسے پروگرام مستقبل میں بھی منعقد ہوتے رہتے ہیں۔
