ریاست مدھیہ پردیش کے بالاگھاٹ کرنارپور تھانہ حلقہ کے بورون جنگل میں پولیس اور نکسلیوں کے مابین ہوئے تصادم میں دو خواتین نکسلی ہلاک ہوگئی۔ جس کے پاس سے پولیس کو بڑی تعداد میں ہتھیار برآمد ہوئے ہیں۔
اس تعلق سے پولیس سپرنٹنڈنٹ ابھشیک تیواری نے بتایا کہ خفیہ جانکاری ملی تھی کہ بورون جنگل میں درجن بھر نکسلی بڑی واردات کو انجام دینے کے فراق میں گھوم رہے ہیں۔ جس کے بعد موقع پر پہنچی پولیس نے نکسلیوں کو سرینڈر کرنے کو کہا اس دوران نکسلیوں نے پولیس ٹیم پر فائرنگ شروع کردی۔ پولیس کی جانب سے جوابی کاروائی میں دو خواتین نکسلی ہلاک ہوگئیں۔
واضع رہے کہ ان دونوں خواتین نکسلیوں پر مدھیہ پردیش، مہاراشٹر اور چھتیس گڑھ ریاستوں میں 20 لاکھ روپے سے زائد کے انعام کا اعلان کیا گیا تھا، ہلاک شدہ نکسلیوں میں سے ایک کا تعلق چھتیس گڑھ بیجاپور اور دوسرا مہاراشٹر کے گڈچیرولی سے تھا
