سپریم کورٹ میں داخل درخواست میں کہا گیا ہے کہ سی اے اے بھارتی آئین کے آرٹیکل 14 کے تحت مساوات کے حق، آرٹیکل 21 کے تحت زندگی کے حق اور آرٹیکل 25 کے تحت مذہب پر عمل کرنے کی آزادی کی خلاف ورزی کرتی ہے۔
کسی ریاستی حکومت کی جانب سے مرکز کے اس قانون کے خلاف دائر یہ پہلی پٹیشن ہے۔
عرضی میں پاسپورٹ ( بھارت میں داخلہ) ترمیمی قوانین 2015 اور غیر ملکی (ترمیمی) آرڈر 2015 کو بھی چیلنج کیا گیا ہے، جس نے پاکستان، بنگلہ دیش اور افغانستان سے ان غیر مسلم تارکین وطن کے قیام کو منظوری دے دی ہے جو 31 دسمبر، 2014 سے پہلے اس شرط پر بھارت میں داخل ہوئے تھے کہ وہ اپنے ملک میں مذہبی ظلم و ستم کی وجہ سے وہاں سے بھاگ آئے تھے۔
اس درخواست میں قانون اور انصاف کی وزارت کے سکریٹری اور حکومت ہند کو مدعا علیہ بنایا گیا ہے۔
دراصل آئین کی آرٹیکل 131 حکومت ہند اور کسی بھی ریاست کے درمیان کسی بھی تنازع میں سپریم کورٹ کو بنیادی دائرہ اختیار دیتا ہے۔
سي اےاے کو چیلنج دینے والی کم از کم 60 عرضیاں عدالت میں زیر التواہیں، لیکن کسی ریاستی حکومت کی جانب سے یہ پہلی پٹیشن ہے۔
اس میں دلیل دی گئی ہے کہ سی اے اے امتیازی سلوک کا ہے کیونکہ اس میں اقلیتوں کے صرف ایک طبقے کا احاطہ کیا گیا ہے جو بھارت کے ساتھ سرحدیں بانٹنے والے ممالک کے ایک طبقے سے ہے اور جہاں سے سرحد پار ہجرت ہوئی ہے۔
نیز کیرل اسمبلی نے سی اے اے سے دستبرداری کے مطالبے پر قرارداد پاس کی۔
کیرالا حکومت کی درخواست میں کہا گیا ہے کہ پاکستان ، افغانستان اور بنگلہ دیش کے ہندو ترمیمی ایکٹ کے تحت شامل ہیں مدعی نے ہندوؤں کے مدعے پر غور نہیں کیا کہ نیپال کے ترائی میں ہندو مدھیسیوں جن کے آبا واجداد برطانوی حکومت کے وقت سری لنکا اور نیپال چلے گئے تھے۔
اس میں مزید کہا گیا ہے کہ سی اے اے میں پاکستان ، بنگلہ دیش اور افغانستان کے بعض مذہبی اقلیتوں کا احاطہ کیا گیا ہے اور مبینہ طور پر ستائے جانے والے مذہبی اقلیتوں اور فرقوں جیسے احمدیہ ، شیعہ اور ہزارہ کو نظرانداز کیا گیا ہے۔
کیرالہ کا مؤقف ہے کہ اگر سی اے اے کا مقصد افغانستان ، پاکستان اور بنگلہ دیش میں ان اقلیتوں کو تحفظ فراہم کرنا ہے جنھیں مذہبی ظلم و ستم کا سامنا کرنا پڑا تو ، ان ممالک سے تعلق رکھنے والے احمدیہ اور شیعہ بھی ہندو ، سکھ ، بودھ ، جین ، پارسی کے بھی اسی سلوک کے حقدار ہیں۔ اور عیسائی برادری بھی۔
کیرالہ اسمبلی نے اس سے قبل ایک قرار داد منظور کی تھی جس میں کہا گیا تھا کہ سی اے اے بھارت کے آئین کے ذریعہ تصور کردہ سیکولرازم کے خلاف ہے اور مرکزی حکومت سے اس قانون کو منسوخ کرنے کی اپیل کی ہے۔ حکمران سی پی آئی (ایم) کی زیرقیادت ایل ڈی ایف اور کانگریس کی سربراہی میں یو ڈی ایف اپوزیشن اکٹھے ہوکر ایوان کے خصوصی اجلاس میں قرارداد پاس کرنے کے لیے ساتھ آئے۔
وزیر اعلی پنارائی وجین ، جو قانون کی مخالفت میں سب سے آگے ہیں ، نے 11 وزرائے اعلیٰ کو بھی لکھا تھا کہ وہ سی اے اے کی مخالفت کے لیے اکٹھے ہوں۔
سی اے اے کے جواز کو چیلنج کرنے کے لیے سیاسی جماعتوں کی جانب سے 60 درخواستیں عدالت میں زید التواء ہیں جس پر 22 جنوری کو سماعت ہونے کا امکان ہے۔
گذشتہ ماہ سی اے اے کے خلاف کیرالہ میں مظاہرے ہوئے تھے ، کوچی اور کوزیک کوڈ میں کئی سو افراد سامنے آئے تھے ، جس نے نئے قانون کو ختم کرنے کا مطالبہ کیا تھا۔
