جموں: بالی وڈ کے معروف ادا کار شکتی کپور اپنی آنے والی فلم ’گینگ وار 84‘ کی شوٹنگ کے لیے جموں دورے پر ہیں۔
سرکاری ذرائع نے بتایا کہ شکتی کپور جموں میں ایک ہوٹل میں مختصر قیام کے بعد مبارک منڈی کمپلیکس پہنچے۔
انہوں نے کہا کہ اس فلم کی شوٹنگ مبارک منڈی کمپلیکس میں ہی ہونی ہے۔ ان کا مزید کہنا تھا کہ فلم ’گینگ وار 84‘ حقیقی واقعات پر بنائی جا رہی ہے۔
اس موقع پر شکتی کپور نے میڈیا کو بتایا کہ ’جموں و کشمیر کے ساتھ میری کئی یادیں وابستہ ہیں‘۔ انہوں نے کہا کہ آج جموں و کشمیر آنے سے وہ سب یادیں تازہ ہوگئیں۔
مبارک منڈی جموں شہر کے قلب میں واقع ایک ہیرٹیج کملیکس ہے۔
یہ بھی پڑھیں : بالی ووڈ اداکارہ شبانہ اعظمی سے خصوصی گفتگو
دریں اثنا مذکورہ فلمی ادا کار کا دیدار کرنے کے لئے لوگ بڑی تعداد میں موقع پر جمع ہوئے۔
قابل ذکر ہے کہ جموں وکشمیر کے لیفٹیننٹ گورنر منوج سنہا نے سال رواں کے پانچ اگست کو ایک خصوصی فلم پالیسی لانچ کی اور بالی وڈ کو جموں و کشمیر میں فلموں کی شوٹنگ بحال کرنے کی دعوت دی۔
