پولیس ذرائع نے آج یہاں بتایا کہ ضلع کے سمریا تھانہ علاقہ سے خونخوار بدمعاش وکی اور اسکے ساتھی سنتوش بند کو گرفتار کیاگیا ہے ۔ پولیس نے ان کے پاس سے ایک دیسی رائفل ، دو دیسی کٹا ، 32 کارتوس اور دو موبائل فون برآمدکیا ہے ۔
وہیں ضلع کے بہٹی تھانہ علاقہ سے غیر قانونی ہینڈ گرینڈ اور ہینڈ گرینڈ بنانے کی دیگر اشیاءکے ساتھ بدمعاش محمد قیصر کو دو دیسی کٹا اور 02 کارتوس کے ساتھ گرفتار کیا گیا ہے ۔
ذرائع نے بتایاکہ گوپال گنج کے میر گنج تھانہ علاقہ کے کھرونی گاﺅں سے بیگوسرائے پولیس نے لوٹی گئی ہائیوا گاڑی کے ساتھ لوٹ کی واردات میں استعمال اسکارپیو کے ساتھ لٹیرے ستیندر کمار اور خرم الدین کو گرفتار کیاہے ۔
دونوں بدمعاش گوپال گنج کے رہنے والے ہیں۔ بدمعاشوں نے مذکورہ واردات اکیس ستمبر کو انجام دیا تھا۔ اس کے علاوہ پک اپ وین کے ساتھ بدمعاش روی کمار اور ویویک کمار کو بھی گرفتار کیا گیا ہے ۔
پولیس نے ان کے پاس سے ایک دیسی کٹا، ایک کارتوس بھی برآمدکیا ہے ۔ بدمعاشوںنے 23 ستمبر کو ویشالی ضلع کے جنداہا سے پک اپ وین کی لوٹ کی تھی ۔ بدمعاشوں سے تفتیش کی جارہی ہے ۔
