شمالی کشمیر کے ضلع بارہمولہ کے سرحدی علاقہ بونیار میں فوج نے عسکریت پسندوں کی پناہ گاہ کو تباہ کر کے وہاں سے بھاری مقدار میں اسلحہ اور گولہ بارود برآمد کرنے کا دعویٰ کیا۔
فوج کے جی او سی ویریندر وٹس نے بتایا 'ہم نے عسکریت پسندوں کی ایک پناہ گاہ کو تباہ کیا ہے'۔
ان کا کہنا تھا 'اوڑی بونیار کے جنگلات میں سرچ آپریشن شروع کیا گیا اور آپریشن کے دوران بھاری مقدار میں اسلحہ اور گولہ بارود برآمد کیا گیا'۔
اسلحہ و بارود میں '02 اے کے 47 رائفل، 02 اے کے میگزین، 74 اے کے راؤنڈ، 10 دستی بم، 01 پستول، 02 ریڈیو سیٹ، پاکستان کی کرنسی کے 4000 روپے اور 01 پاؤچ شامل ہیں'۔
فوج نے اسے ایک بڑی کامیابی سے تعبیر کرتے ہوے کہا 'پاکستان ہر بار کوشش میں لگا رہتا ہے کہ کسی طرح سے وادی میں ماحول کو خراب کیا جائے'۔
یہ بھی پڑھیے
بارہمولہ میں یوم حاجی پیر منایا گیا
انہوں نے مزید بتایا 'اس طرح کی کوششوں کو بھارتی فوج ہمیشہ سے ناکام بناتی آرہی ہے اور آئندہ بھی عسکریت پسندی کے خاتمے کے لیے فوج اپنا کردار ادا کرتی رہے گی'۔
