Abducted Kashmir Girl Recovered بارہمولہ سے اغوا کی گئی لڑکی دہلی سے بازیاب، دو افراد گرفتار

پولیس نے مبینہ طور پر اغوا کی گئی لڑکی کو دہلی سے بازیاب کیا ہے۔ پولیس نے اس حوالے سے دو ملزمین کوگرفتار کیا ہے۔

بارہمولہ: جموں وکشمیر پولیس نے مبینہ طور پر اغوا کی گئی لڑکی کو بازیاب کرکے اس کے دو اغوا کاروں کو دہلی سے گرفتار کیا ہے۔ایک پولیس ترجمان نے اپنے ایک بیان میں کہا کہ یکم جولائی 2023 کو شمالی کشمیر کے ضلع بارہمولہ کے پولیس پوسٹ پلہالن کو ایک شخص کی طرف سے شکایت موصول ہوئی۔ شکایت میں کہا گیا کہ اس کی 9 سالہ بیٹی 30 جون 2023 سے لاپتہ ہے۔

بارہمولہ سے اغوا کی گئی لڑکی دہلی سے بازیاب، 2 اغوا کار گرفتار، پولیس

انہوں نے کہا کہ اس ضمن میں متعلقہ دفعات کے تحت پولیس اسٹیشن پٹن میں ایک کیس درج کرکے تحقیقات شروع کی گئیں۔ان کا کہنا تھا کہ 'تحقیقات کے دوران یہ بات سامنے آگئی کہ لاپتہ لڑکی کو کچھ نامعلوم افراد نے اغوا کیا ہے'۔ بیان میں کہا گیا کہ 'تکنیکی شواہد کی مدد سے مزید تحقیقات کے دوران انکشاف ہوا کہ ملزمین اور پراسیکیوٹریکس جموں وکشمیر سے دہلی چلے گئے ہیں۔

بیان کے مطابق پولیس کی ایک ٹیم تشکیل دی گئی جو نئی دہلی کی طرف روانہ ہوئی جہاں انہوں نے پراسیکیوٹر کی فائل برآمد کی اور ملزموں کو گرفتار کیا۔ملزمان کی شناخت عاشق علی منگرال ساکن تولی ریاسی اور دیپ کمار ساکن چالابنی کٹھوعہ کے بطور ہوئی ہے۔ پولیس بیان میں کہا گیا کہ لڑکی کو قانونی لوازمات کی ادائیگی کے بعد قانونی ورثا کے حوالے کر دیا گیا اور اس ضمن میں مزید تحقیقات شروع کی گئیں۔

(یو این آئی)