اننت ناگ: سالانہ امرناتھ یاترا 30 جون سے شروع ہونے والی ہے اور اس بار آٹھ لاکھ یاترویوں کی آمد متوقع ہے۔ جموں و کشمیر انتظامیہ نے یاترا کو خوش اسلوبی سے منعقد کرنے کے لیے سکیورٹی کے تمام تر انتظامات کر ہی ہے۔ پچھلے دو برسوں میں کورونا وبا کی وجہ سے امرناتھ یاترا نہ ہو سکی تھی۔
ڈائریکٹر ہیلتھ سروس کشمر ڈاکٹر مشتاق احمد راتھر نے پہلگام سے شیش ناگ تک دورہ کیا۔ یہ دورہ اس سال کی امرناتھ یاترا کے لیے انتظامات کا جائزہ لینے کے مقصد سے کیا گیا۔ اس موقع پر ڈایریکٹر ہیلتھ نے کہا ہے کہ اس برس امرناتھ یاترا کے لیے غیر معمولی طبی انتظامات کیے گئے ہیں، جب کہ چندن واڑی اور بال تل میں اپنی نوعیت کا پہلا ڈی آر ڈی او ہسپتال بھی قائم کیا گیا ہے۔ ڈی آر ڈی او ہسپتال 52 بستروں پر مشتمل ہوں گے جہاں پر 25 آکسیجینٹڈ بیڈ اور چار آئی سی یو بیڑ ہوں گے۔
مزید پڑھیں:
ڈاکٹر مشتاق نے چندن واڑی، پسو ٹاپ، زوجی پل، ناگا کوٹی اور شیش ناگ یاترا پڑھاؤں کا دورہ کیا اور وہاں پر امرناتھ یاترا کے حوالے سے کیے گئے طبی انتظامات کا جائزہ لیا۔ موصوف کے ہمراہ سی ایم او اننت ناگ ڈاکٹر ایم وائی زاگو اور دیگر افسران بھی تھے۔
