بی جے پی لیڈر صوفی یوسف Sofi Yousuf on Delimitation Draft Reportنے جنوبی کشمیر South kashmirکے ضلع اننت ناگ میں پارٹی ورکران کے لیے منعقد کیے گئے اجلاس کے حاشیے پر میڈیا نمائندوں کے ساتھ گفتگو کرتے ہوئے کہا: ’’بعض پارٹیاں حد بندی کمیشن کی رپورٹ Sofi Yousuf on Delimitation Draft Reportکے خلاف عوام کو بہکا رہی ہے، اگر کسی بھی شخص یا پارٹی کو اس بارے خدشات یا تحفظات ہیں، وہ تحریری طور مطلع کر سکتے ہیں۔‘‘
انہوں نے دعویٰ کیا کہ ’’حد بندی کمیشن رپورٹ کے مسودے پر حزب اختلاف سیاسی جماعتین عوام میں تشویش پیدا کر رہی ہیں۔‘‘ صوفی یوسف کے مطابق ’’اس رپورٹ سے یہاں کے سیاسی لیڈران کے نجی مفادات کو نقصان پہنچتا ہے۔‘‘
اننت ناگ کے سریگفوارہ علاقے میں پارٹی کارکنوں کے ایک اجلاس میں شرکت کے بعد صوفی یوسف نے حجاب تنازعہ پر تاثرات بیان کرتے ہوئے کہا: ’’حجاب کے متعلق بھی بعض شر پسند عناصر مذہبی ہم آہنگی کو رواداری کو زک پہنچانے کی کوشش میں ہیں۔‘‘
- مزید پڑھیں: BJP on Delimitation Commission Report: ’بی جے پی حدبندی کمیشن رپورٹ کا خیر مقدم کرتی ہے‘
صوفی یوسف نے مزید کہا کہ ’’حجاب کے نام پر سیاست کا بازار گرم ہے، اور اس مسئلے کو انتخابات میں ووٹ بٹورنے کے لیے استعمال کیا جا رہا ہے۔‘‘
دریں اثناء، اننت ناگ میں بی جے پی ورکرس اجلاس کے دوران مستحق و حاجت مند افراد میں کمبل تقسیم کیے گئے۔
