برطانیہ میں کورونا وائرس کی نئی شکل اومیکرون Omicron In UK کے کیسز میں مسلسل تیزی سے اضافہ ہورہا ہے، برطانیہ میں ایک دن میں اومیکرون کے ریکارڈ 12,133 کیسز رپورٹ ہوئے ہیں۔ یہ ایک دن میں رپورٹ ہونے والا اومیکرون کیسز کی سب سے زیادہ تعداد ہے۔
اس کے ساتھ اب تک برطانیہ میں اومیکرون کے کل 37,101 کیسز رجسٹرڈ ہو چکے ہیں۔ یہ معلومات یو کے ہیلتھ پروٹیکشن ایجنسی نے شیئر کی ہے۔
اتوار کو جاری ہونے والے سرکاری اعداد و شمار کا حوالہ دیتے ہوئے ژنہوا خبر رساں ایجنسی نے اطلاع دی ہے کہ برطانیہ میں کورونا وائرس Corona in UK کے 82,886 نئے کیسز سامنے آئے ہیں، جس سے ملک میں کورونا وائرس کے کیسز کی کل تعداد 11,361,387 ہوگئی ہے۔
برطانیہ میں ہفتے کے روز کورونا کے 90,418 نئے کیسز کی تصدیق ہوئی تھی، جو جمعہ کو رپورٹ ہونے والے کیسز سے کم ہے۔جمعہ کو برطانیہ میں کورونا کے 93,045 کیسز کی تصدیق ہوئی تھی۔
پچھلے 24 گھنٹوں میں رپورٹ ہونے والے کل کیسز میں سے 12,133 کیسز اومیکرون کے ہیں۔ جبکہ اس دوران کورونا وائرس سے 45 افراد ہلاک بھی ہوئے ہیں۔ اس کے ساتھ ہی اموات کی کل تعداد 1,47,218 ہو گئی ہے، ساتھ ہی کورونا سے متاثرہ 7,611 افراد اب بھی ہسپتالوں میں داخل ہیں۔
یہ بھی پڑھیں: Omicron Variant: اومیکرون ویریئنٹ کے پھیلاو کی رفتار ڈیلٹا ویریئنٹ سے بھی تیز
نئے اعداد و شمار اس وقت سامنے آئے جب برطانوی سیکرٹری ہیلتھ ساجد جاوید کا کہنا تھا کہ نئی قسم بہت تیزی سے پھیل رہی ہے جس سے مجھے خوف ہے، حالانکہ ہم اعداد و شمار پر مسلسل نظر رکھے ہوئے ہیں، حکومت اعداد و شمار کے مطابق مزید فیصلے کرے گی۔
انہوں نے کہا، "انفیکشن کی اصل تعداد میں نمایاں اضافہ ہوا ہے کیونکہ ہر کسی کے کورونا ٹیسٹ نہیں ہو رہے ہیں اور لوگوں کی رپورٹ آنے میں تاخیر ہو رہی ہے۔
ورلڈ ہیلتھ آرگنائزیشن (ڈبلیو ایچ او) نے کہا ہے کہ کورونا وائرس کے نئے قسم اومیکرون کے کیسز 89 ممالک میں پھیل چکے ہیں۔
نئے اعداد و شمار کے مطابق، برطانیہ میں 12 سال یا اس سے زیادہ عمر کے 89 فیصد سے زائد افراد نے اپنی ویکسین کی پہلی خوراک حاصل کی ہے اور 81 فیصد سے زائد افراد کو اب تک دونوں خوراکیں مل چکی ہیں، جب کہ 48 فیصد سے زائد افراد نے بوسٹر شاٹ بھی لے چکے ہیں۔
