حیدرآباد: انفورسمنٹ ڈائریکٹوریٹ (ای ڈی) نے سکیش چندر شیکھر دھوکہ دہی کیس میں بار بار نشانہ بن رہی بالی ووڈ اداکارہ جیکولین فرنانڈیز کے خلاف بڑی کارروائی کی ہے۔ ای ڈی نے بھتہ خوری معاملے میں بالی ووڈ اداکارہ جیکولین فرنانڈیز کے خلاف بڑی کارروائی کی ہے۔ ای ڈی نے اداکارہ کے 7.27 کروڑ روپے کے اثاثے ضبط کیے ہیں۔ ضبط کیے گئے اثاثوں میں 7.12 کروڑ روپے کے فکسڈ ڈپازٹ اثاثے بھی شامل تھے۔ Money Laundering case Against Jacqueline fernandez
ای ڈی نے بتایا ہے کہ 200 کروڑ روپے کا دھوکہ دینے والے سکیش چندر شیکھر نے اداکارہ کو 5.71 کروڑ روپے کے تحائف دیے۔ میڈیا رپورٹس کے مطابق سکیش نے تقریباً 173,000 امریکی ڈالر اور تقریباً 27,000 آسٹریلوی ڈالر جیکولین کے اہل خانہ کو بھی دیے تھے۔
فی الحال سکیش، سیاستداں ٹی ٹی وی دناکرن سے جڑے پانچ سال پرانے دھوکہ دہی معاملے میں ملوث ہے۔ ای ڈی نے اسے 4 اپریل کو اس کیس کے سلسلے میں گرفتار کیا تھا۔ وہیں گزشتہ سال سکیش کو ای ڈی نے وزارت داخلہ اور قانون کا افسر بتا کر دہلی کے ایک تاجر کی بیوی سے 215 کروڑ روپے وصول کرنے کے الزام میں گرفتار کیا تھا۔
مزید پڑھیں: Conman Chandrashekar Case: سارہ علی خان سمیت یہ اداکارئیں ٹھگ سُکیش کے نشانے پر تھیں؟
