وادی میں عام شہریوں پر ہو رہے حملوں کے بعد بڈگام میں سکیورٹی اقدامات میں اضافہ کر دیا گیا ہے۔
عام شہریوں پر ہورہے حملوں کے بعد مختلف مقامات پر سکیورٹی میں اضافہ
اتوار کی شام کو بڈگام مین ٹاؤن میں سی آر پی ایف کو تعینات کیا گیا ہے۔ اس کے علاوہ ضلع کے دیگر مقامات پر بھی چوکیاں لگائی گئی ہیں۔چوکیوں میں اضافی نفری کو بھی تعینات کیا گیا ہے۔
ذرائع کے مطابق سکیورٹی فورسز کو انٹیلیجنس ایجنسیوں کی جانب سے کچھ مخصوص اطلاع ملی ہے جس کے بعد یہ سکیورٹی اقدامات کئے گئے ہیں۔
مزید پڑھیں: کولگام میں پھر عسکریت پسندوں کا حملہ، دو غیر مقامی مزدور ہلاک، ایک زخمی
آپ کو بتادیں کہ حالیہ دنوں کشمیر میں ایک کے بعد ایک عام شہریوں پر ہورہے حملوں کے بعد مختلف مقامات پر سکیورٹی اقدامات میں اضافہ کیا گیا ہے، عام شہریوں پر ہورہے مسلسل حملوں کے بعد وادی بھر میں خوف کا ماحول پیدا ہوگیا ہے۔
