شیر کشمیر یونیورسٹی آف ایگریکلچر سائنس اینڈ ٹیکنالوجی کے شہامہ گاندربل میں 'دیہی نوجوان کی مہارت کی تربیت' کے تحت سات روزہ تربیتی کیمپ کا افتتاح کیا گیا۔ Inauguration of Seven-Day Training Camp in Agricultural University
تربیتی کیمپ کا اہتمام ڈیویژن آف اینیمل جینیٹکس اینڈ بریڈنگ نے اسٹیٹ ایگریکلچرل مینجمنٹ ایکسٹینشن ٹریننگ انسٹی ٹیوٹ حیدرآباد کے اشتراک سے کیا۔
پروگرام کا افتتاحی اجلاس میں ڈائریکٹر ایکسٹینشن زرعی یونیورسٹی کشمیر پروفیسر دل محمد مخدومی نے 'دیہی نوجوانوں کے لیے تربیتی پروگرامز کی اہمیت اور اس سلسلے میں یونیورسٹی کے کردار پر روشنی ڈالی۔' Training programs for rural youth in Ganderbal
قبل ازیں شعبہ انیمل ہسبنڈری اور ایف وی ایس سی کے سربراہ پروفیسر ایم ٹی بانڈے نے شرکاء سے خطاب کرتے ہوئے کہا کہ 'وہ دیہی منظر نامے کو بدلنے کے لیے زرعی یونیورسٹی کشمیر کے ساتھ دستیاب مویشیوں پر مبنی ٹیکنالوجیز کا بھرپور استعمال کریں۔'
افتتاحی اجلاس کا آغاز پروفیسر عبدالحئی، انچارج فیکلٹی آؤٹ ریچ سینٹر کی طرف سے تمام شرکاء اور معززین کے استقبال کے ساتھ ہوا جبکہ ڈاکٹر سید شہناز، کورس کوآرڈینیٹر اور ہیڈ اے جی بی ڈویژن نے حاضرین کو آئندہ سات روزہ تربیتی کیمپ میں منعقد ہونے والے مختلف اجلاسوں کے بارے میں آگاہ کیا۔
یہ بھی پڑھیں: Food Safety Training and Certification Course in Ganderbal: فوڈ سیفٹی ٹریننگ اور سرٹیفیکیشن پر تربیتی پروگرام منعقد
افتتاحی اجلاس میں مختلف شعبوں کے سربراہان، فیکلٹی ممبران، ایسوسی ایٹ ڈائریکٹر ایکسٹینشن (اے ایس) کے علاوہ ضلع گاندربل سے تعلق رکھنے والے شرکاء نے شرکت کی۔
