وڈودرا: شہر کے کویالی گاؤں میں واقع انڈین آئل ریفائنری (IOCL) میں کل رات زبردست دھماکے کے ساتھ آگ لگ گئی۔ دھماکہ اتنا زور دار تھا کہ دو سے چار کلومیٹر دور رہنے والے خاندانوں نے بھی اس کے جھٹکے محسوس کیے، جس سے آس پاس کے علاقے میں افراتفری مچ گئی۔ علاقہ سائرن سے گونج اٹھا۔ تازہ اطلاع کے مطابق اس واقعے میں دو ملازمین ہلاک ہوگئے۔ ان کے علاوہ ایک شخص زخمی ہوا ہے جسے مقامی اسپتال میں داخل کرایا گیا ہے۔ کویالی کے علاقے میں ریفائنریز سمیت کئی کمپنیاں واقع ہیں۔
#WATCH | Gujarat: Visuals from the Indian Oil Corporation (IOCL) refinery in Vadodara city, where two people died and one got injured in a fire caused by an explosion in a benzene storage tank yesterday. pic.twitter.com/nQaT48qguD
— ANI (@ANI) November 12, 2024
ملازمین کو ریسکیو کیا گیا
وڈودرا کے کویالی گاؤں میں انڈین آئل کارپوریشن لمیٹڈ کی ریفائنری میں دھماکے کے بعد ریسکیو آپریشن شروع کیا گیا۔ دھماکے کے بعد کثیف دھویں کے کے بیچ سے ملازمین کو ریفائنری سے باہر نکالا گیا۔ تازہ اطلاعات کے مطابق دھماکے میں دو افراد جاں بحق ہو گئے جب کہ ایک شخص زخمی ہوگیا۔
اسٹوریج ٹینک میں بھڑکی آگ
کمپنی کے مطابق، پیر کی سہ پہر 3:30 بجے وڈودرا میں ریفائنری میں بینزین اسٹوریج ٹینک میں آگ لگنے کی اطلاع ملی۔ ریفائنری کی ایمرجنسی رسپانس ٹیم صورت حال سے نمٹنے کے لیے فوری طور پر سرگرم ہو گئی۔ اسی کے ساتھ محکمہ فائر بریگیڈ نے بھی موقعے پر پہنچ کر بروقت کارروائی کی۔ آگ لگنے کی وجہ تاحال معلوم نہیں ہو سکی۔ بتایا جا رہا ہے کہ ریفائنری کا کام اب معمول پر آ گیا ہے۔
کوئی جانی نقصان نہیں
ٹریفک پولیس کے ڈی سی پی جیوتی پٹیل نے کہا کہ 'ریفائنری میں ریسکیو آپریشن چلایا کیا گیا۔ پھنسے ہوئے ملازمین کو موقعے سے ریسکیو کیا گیا اور زخمی شخص کو اسپتال پہنچایا گیا۔ جب کہ اس واقعے میں مرنے والوں کی لاشوں کو پولیس نے اپنی تحویل میں لے لیا ہے۔
یہ بھی پڑھیں: کیرالہ: ملاپورم میں زلزلے کے ساتھ خوفناک دھماکے جیسی آواز، دہشت کے مارے 280 لوگ گھر بار چھوڑ کر بھاگے
