پی ایچ ای ایمپلائز کے ضلع صدر وسیم چوہدری نے احتجاجی مظاہرہ کے دوران میڈیا سے بات کرتے ہوئے کہا کہ ’ہم نے اپنی زمینیں دیکر واٹر ٹینک بنوائے تھے اور ہمیں زمین کے بدلے نوکری دی گئی تھی۔ سنہ 2014 سے ہمیں مسلسل تنخواہ دی جارہی تھی مگر دو ماہ سے ہماری تنخواہ بند ہے‘۔
انہوں نے کہا کہ محکمہ کے اعلی افسران سے بات کی گئی جس پر بتایا گیا کہ جتنے بھی لینڈ کیس والے ملازمین ہیں، ان کا 12 واؤچر کا مسئلہ ہے اور جب تک 12 واؤچر کا مسئلہ حل نہیں ہوگا تب تک تنخواہ واگزار نہیں کی جاسکتی۔ حبکہ لینڈ کیس والوں کا 12 واؤوچر سے کچھ بھی لینا دینا نہیں ہے۔
یہ بھی پڑھیں:
راجوری: سڑک کی مرمت کے دوران رہائشی مکان کو نقصان
ضلع راجوری کے تمام لینڈکیس ملازمین نے احتجاح کے دوران کہا کہ اگر دو دن کے اندر تنخواہ واگزار نہیں ہوئی تو ہم نے پانی بند کر دینا ہے۔ جب تک تنخواہ واگزار نہیں ہوتی ضلع بھر کا پانی بند رہےگا۔ عوام کو حو بھی پریشانی ہوگی اس کی تمام تر ذمہ داری محکمہ پی ایچ کے اعلی افسران پر عائد ہوگی۔
