جموں کے سرحدی ضلع راجوری میں کرکٹ میچ میں بھارت کے خلاف پاکستان کی جیت پر خوشی کا اظہار کرتے ہوئے اسٹیٹس اپ لوڈ کرنے کے بعد گورنمنٹ میڈیکل کالج میں تعینات ایک خاتوم ملازم کو معطل کر دیا گیا ہے۔ اس سلسلہ میں گورنمنٹ میڈیکل کالج راجوری کے پرنسپل کی جانب سے ایک حکم نامہ جاری کیا گیا، جس میں کہا گیا کہ ملک کے ساتھ بے فائی کے سبب ایک ملازم کو معطل کردیا گیا ہے۔
- مزید پڑھیں: گرفتار کشمیری طالب علم کی والدہ نے حکومت سے فریاد کی
حکم نامہ میں کہا گیا ہے کہ ملازم کی طرف سے گزشتہ دنوں پاکستانی کرکٹ ٹیم کی بھارت پر ہوئی جیت کے بعد میڈیکل کالج میں تعینات ایک ملازم نے خوشی کا اظہار کرتے ہوئے سوشل میڈیا پر ایک اسٹیٹس اپ لوڈ کیا تھا جو کہ ملک کےساتھ بے وفائی کے مترداف ہے۔ اس سلسلہ میں ملازم کے خلاف ایک سرکاری حکم نامہ جاری کیا گیا ہے۔
