پہلگام: جموں وکشمیر انتطامیہ عالمی سرمایہ کاروں کو یہاں لانے کے لیے انتھک محنت کر رہی ہے، متحدہ عرب امارات (یو اے ای) کا ایک اعلیٰ سطحی تجارتی وفد آج یہاں کے گرمائی دارالحکومت پہنچا تاکہ تعلقات کو بڑھایا جاسکے۔
متحدہ عرب امارات کے سرمایہ کاروں نے پہلگام کا دورہ کیا جموں و کشمیر کے لیفٹیننٹ گورنر منوج سنہا کے دبئی دورے کے چند ماہ بعد متحدہ عرب امارات کا ایک 40 رکنی وفد چار روزہ (20-23 مارچ) کے دورے کے لیے وادی کشمیر پہنچا ہے۔ وفد میں متحدہ عرب امارات میں مقیم ہندوستانی تاجر اور ابوظہبی میں حکمرانوں کے دفتر کا ایک نمائندہ بھی شامل ہے۔ایک اہلکار نے ای ٹی وی بھارت سے بات کرتے ہوئے کہا کہ یوٹی انتظامیہ کا مقصد جموں وکشمیر میں اہم مواقع اور ترقی کے شعبوں کو وفد کے سامنے اجاگر کرکے صنعتوں اور سیاحت میں نئی سرمایہ کاری کو راغب کرنا ہے'۔انہوں نے کہا کہ 'اس کا مقصد برآمدات کے فروغ اور کاروباری دوستانہ ماحول کے لیے سازگار انفراسٹرکچر تیار کرنا ہے۔ اپنے چار روزہ دورے کے دوران وفد نے سیاحت اور مہمان نوازی کے شعبے میں سرمایہ کاری کے مواقع تلاش کرنے کے لیے آج جنوبی کشمیر کے سیاحتی مقام پہلگام کا دورہ کیا۔
واضح رہے کہ وزیر اعظم نریندر مودی نے جموں وکشمیر میں متحدہ عرب امارات کی سرمایہ کاری کا خیرمقدم کیا ہے۔
