نیشنل ہائے وے پر قائم ورنہال سے لیکر پازلپورہ بجبہاڑہ تک محکمۂ مال کی جانب سے انہدامی کارروائی عمل میں لاتے ہوئے غیر قانونی طور پر تعمیر کی گئی کئی دوکانوں سمیت شاپنگ کمپلکس کو منہدم کیا گیا۔ اس موقع پر محکمۂ مال کے آفیسران کے ہمراہ ایس ایچ او اننت ناگ اور پولیس کے دیگر اہلکار بھی موجود تھے۔
ذرائع ابلاغ کے نمائندوں سے بات کرتے ہوئے تحصیلدرار اننت ناگ نے کہا کہ "یہ دوکانیں اور کمپلکس غیر قانونی طور پر تعمیر کئے گئے تھے، جس سے لوگوں کو کافی دشواریوں کا سامنا کرنا پڑرہا تھا۔"
انہوں نے کہا کہ "غیر قانونی طور پر تعمیر کیے گئے ڈھانچے کو ہٹاکر بازیاب کرانا ہماری آج کی اس ڈرائیو کا اولین مقصد تھا"۔
محکمۂ مال کے عہدیداروں کا کہنا ہے کہ متعلقہ محکموں سے باضابطہ طور پر اجازت نامہ حاصل کیے جانے کے بعد ہی علاقے میں کسی بھی ڈھانچے کی تعمیر کا کام شروع کرنے کی اجازت دی جائے گی۔
مزید پڑھیں:اننت ناگ: غیر قانونی عمارتوں کی تعمیر کا کام عروج پر
انہوں نے کہا کہ خلاف ورزی کرنے والوں کے خلاف سخت قانونی کارروائی کی جائے گی۔
