نئی دہلی: زراعت اور کسانوں کی فلاح و بہبود کے مرکزی وزارت نے جمعرات کے روز کلسٹر ڈیولپمنٹ پروگرام کے تحت جموں و کشمیر کے شوپیاں ضلع کے لیے ایک ایپل کلسٹر کو منظوری دی۔ اس کا اعلان نئی دہلی میں پی ایچ ڈی چیمبر آف کامرس اینڈ انڈسٹری کے تعاون سے وزارت کے زیر اہتمام ایک روزہ کانفرنس 'انڈیا کولڈ چین کنکلیو' کے دوران کیا گیا۔
کانفرنس کے دوران، زراعت اور کسانوں کی بہبود کے سکریٹری، منوج آہوجا نے کلسٹر ڈیولپمنٹ پروگرام کے تحت ضلع کے لیے ایپل کلسٹرز کے قیام کے بارے میں فیصلے کا باضابطہ اعلان کیا اور عمل درآمد کے لیے جموں و کشمیر کو 'لیٹر آف ایکسیپٹنس' کو منظوری دی۔ شوپیان ایپل کلسٹر تین شعبوں میں سیب کی ترقی کا تصور پیش کرتا ہے، جس میں فصل سے پہلے کی پیداوار، فصل کے بعد کا انتظام اور قیمت میں اضافہ اور لاجسٹکس، مارکیٹنگ اور برانڈنگ شامل ہیں، تاکہ یہاں کے سیب کو عالمی سطح پر مسابقتی بنایا جا سکے۔
اس پروجیکٹ پر 135.23 کروڑ روپے لاگت کا تخمینہ ہے، جس میں سے تقریباً 37.05 کروڑ روپے وزارت گرانٹ ان ایڈ کے طور پر فراہم کرے گی۔ اس منصوبے پر چار برس میں عمل درآمد متوقع ہے۔ واضح رہےکہ باغبانی ریاستی معیشت کی ریڑھ کی ہڈی ہے جو معیشت میں بڑی حصہ ڈالتی ہے، لاکھوں خاندان بالواسطہ یا بالواسطہ طور پر باغبانی کے شعبے سے منسلک کاموں میں مصروف ہیں۔ لہذا یہ ان شعبوں میں سے ایک ہے، جو روزگار پیدا کرتے ہیں اور مجموعی ریاستی گھریلو پیداوار میں اضافہ کرتے ہیں۔
مزید پڑھیں:
