چندولی میں بیٹی سے چھیڑ چھاڑ کے خلاف احتجاج کرنے پر باپ کی پٹائی

چندولی،یوپی: صدر کوتوالی علاقے کے ایک گاؤں میں ایک نوعمر لڑکی کے ساتھ چھیڑ چھاڑ کی کوشش کا معاملہ سامنے آیا ہے۔ لڑکی نے احتجاج کیا تو ملزم موقع سے فرار ہوگیا۔ اس کے بعد وہ اپنے ساتھیوں کے ساتھ متاثرہ کے گھر پہنچا اور اس کے والد کی پٹائی کی۔ متاثرہ کی شکایت پر پولیس نے مقدمہ درج کرکے ملزم کی تلاش شروع کردی ہے۔ کوتوال گگن راج سنگھ نے بتایا کہ متاثرہ کے والد کی شکایت پر اروند پاسوان، راجو پاسوان،وکاش پاسوان اور سنیل پاسوان کے خلاف مقدمہ درج کیا گیا ہے۔ ملزمان کی تلاش جاری ہے۔