سیاح ڈل جھیل میں شکارا سواری سے لطف اندوز ہو رہے ہیں

سرینگر کے زبرون پہاڑیوں کے دامن  میں واقع شہرہ آفاق جھیل ڈل اپنے پُرسکون پانی اور دلکش نظاروں کے لیے سیاحوں کی پسندیدہ جگہوں میں سے ایک ہے۔ڈل جھیل موسم سرما کے دوران ایک الگ ہی نظارہ پیش کرتی ہے۔سیاح اس جھیل میں شکارا سواری سے لطف اندوز ہونے آتے ہیں۔سیاحوں کی آمد کے ساتھ ہی شعبہ سیاحت سے وابستہ لوگوں میں خوشی کی لہر دوڑ گئی ہے۔شکارہ ملکان کے مطابق سیاح کی آمد سے ان کے روزگار میں اضافہ ہوا ہے۔ان کے مطابق دس سال قبل موسم سرما میں سیاحوں کو اتنا رش نہیں ہوتا جتنا آج ہوتا ہے۔