چھ سالہ بچی کا آنکھوں پر پٹی باندھ کر اسکیٹنگ

راجکوٹ: گجرات کے راجکوٹ کی ایک چھ سالہ بچی نے کافی دیر تک آنکھوں پر پٹی باندھ کر اسکیٹنگ کرکے اپنا نام انڈیا بک آف ریکارڈز میں درج کرایا ہے۔ وردا پارمر نے اتنی کم عمر میں 45 منٹ اور 5 سیکنڈ تک آنکھوں پر پٹی باندھ کر اسکیٹنگ کرکے یہ کارنامہ انجام دیا ہے۔ اپنی بیٹی کے اس نایاب کارنامے پر حیران وردا کی والدہ گایتری پارمر نے کہا کہ اتنی کم عمر میں انڈیا بک آف ریکارڈ میں جگہ حاصل کرنا فخر کی بات ہے۔وردا نے یہ کارنامہ اپنی سراسر محنت سے حاصل کیا ہے۔ میں نے بس ایک ماں کے طور پر اس کی رہنمائی کی۔ ہم اسے وہ تمام سامان فراہم کر رہے ہیں جس کی اسے ضرورت ہے۔

گایتری پارمر نے مزید کہا کہ اب وردا اس وقت گینز بک آف ورلڈ ریکارڈ میں اپنا نام درج کرانے کے لیے روزانہ دو گھنٹے اسکیٹنگ کی مشق کرتی ہیں۔  وردا کی ماں گایتری پارمر نے کہا کہ ان کی بیٹی وزیر اعظم نریندر مودی کی بہت بڑی مداح ہے اور کسی دن ان سے ملنے کی خواہش مند ہے۔ اس نے مجھے اس کے بارے میں بتایا اور پھر میں نے اس سے کہا کہ پی ایم مودی عام لوگوں سے نہیں ملتے اور ان سے تب ہی ملیں گے جب وہ کوئی غیر معمولی کام کرے گی۔