کشمیری رؤف ڈانس پروگرام، دس ہزار لڑکیوں کی شرکت کے ساتھ عالمی ریکارڈ قائم - Baramulla creates record

بارہمولہ (جموں و کشمیر):  شمالی کشمیر کے ضلع بارہمولہ میں ایک پروگرام کا انعقاد کیا گیا۔ اس رؤف پروگرام میں اب تک کا سب سے بڑا کشمیری لوک رقص پیش کیا گیا۔ اس پروگرام کے تاریخی کارنامے میں بارہمولہ کی 10,000 نوجوان خواتین نے "کشور ریاض" ثقافتی میلے کے ذریعہ اب تک کا سب سے بڑا کشمیری لوک رقص پیش کیا اور ایک عالمی ریکارڈ قائم کیا۔  اس کا انعقاد پروفیسر شوکت علی انڈور اسٹیڈیم میں کیا گیا۔ جس میں روایتی رقص، موسیقی، خطاطی اور ثقافتی سرگرمیوں کے ذریعے کشمیر کی متحرک روایات کو پیش کیا گیا۔ خاص بات نوجوان خواتین کی جانب سے رؤف ڈانس کی یہ اجتماعی کارکردگی تھی، جس نے ایک نیا عالمی ریکارڈ قائم کیا۔

مقامی لڑکیوں نے کہا کہ ہم نے تقریباً ایک ماہ تک اس ایوینٹ کا ریہرسل کیا۔ ہمیں بہت خوشی ہو رہی  ہے کہ ہماری محنت رنگ لائی ہے۔ پروگرام میں موجود لڑکیوں نے کہا کہ یہ ایک بہت بڑی کامیابی ہے اور ہمیں عالمی ریکارڈ کا حصہ بننے پر فخر ہے۔